लसीकरणावेळी तयार होणारा डिजिटल हेल्थ आयडी येत्या काळात देणार अनेक आरोग्य सुविधा

मुंबई – कोरोनाविरोधातील लसीकरण डिजीटल हेल्थच्या दिशेने मोठे पाऊल ठरण्याची शक्यता व्यक्त होत आहे. लसीकरणासाठी कोव्हीन पोर्टलवर नोंद होत असलेल्या आकड्यांचा वापर भविष्यात लाभार्थ्यांपर्यंत इतर सेवा पोहोचविण्यासाठी होऊ शकतो. हा प्लॅटफॉर्म दररोज कोट्यवधी लसीकरणाचे आकडे सांभाळून ठेवण्यास सक्षम आहे. राष्ट्रीय आरोग्य प्राधिकरणाकडे डिजीटल हेल्ख मिशनची जबाबदारी आहे.

डिजीटल हेल्थ आयडीचे लाभ

प्राधिकरणाचे मुख्य कार्यकारी अधिकारी आर.एस. शर्मा यांनी सांगितले की लसीकरणादरम्यान नोंदणीनंतर प्रत्येक लाभार्थ्याचा डिजीटल हेल्थ आयडी तयार केला जात आहे. या आयडीचा वापर लाभार्थ्यांना पुढे आरोग्यसेवा पुरविण्यासाठी वापरला केला जाऊ शकतो. आरोग्य तपासणी आणि उपचाराशी संबंधित संपूर्ण जेटा या प्लॅटफॉर्मवर असेल.

पाच राज्यांमध्ये पायलट प्रोजेक्ट

सध्या डिजीटल हेल्थ मिशनला पाच राज्यांमध्ये पायलट प्रोजेक्टच्या स्वरुपात लॉन्च करण्यात आले आहे. प्राधिकरणाच्या प्लॅटफॉर्मवर कुठलिही व्यक्ती आपल्या आधार कार्ड नंबरवरून नोंदणी करून डिजीटल आयडी प्राप्त करू शकत आहे. कोरोना लसीकरण अभियानाने देशातील आरोग्य क्षेत्रात मोठे बदल घडवायला सुरुवात केली आहे.

टेलीमेडिसीनची सुविधा

हा प्लॅटफॉर्म टेलिमेडिसीनची सुविधा उपलब्ध करून देणार आहे आणि डॉक्टर किंवा रुग्णालयात स्वतः जाऊन उपचार करण्याचा पर्यायही देणार आहे. यामुळे लहान–मोठ्या आजारांसाठी रुग्णालयांमध्ये चकरा मारण्यापासून नागरिकांना मुक्ती मिळणार आहे.

अॅमेझॉनच्या धरतीवर…

संपूर्ण देशात डिजीटल हेल्थ मिशन लागू झाल्यानंतर लसीकरणाप्रमाणेच दररोज कोट्यवधी लोकांचा डेटा सांभाळून ठेवण्याची आणि प्रोसेस करण्याची गरज पडणार आहे. मिशनची रुपरेखा अशी आहे की, त्यामुळे अॅमेझॉनच्या प्लॅटफॉर्मप्रमाणे नागरिकांना अनुभव येईल, असेही शर्मा म्हणाले.