नवी दिल्ली – पंतप्रधान नरेंद्र मोदी यांच्या ‘स्वावलंबी भारत’ अभियानाला पुढे नेऊन भारतीय लष्कराने व्हॉट्सअ‍ॅप सारखे स्वदेशी मेसेजिंग अॅप विकसित केले आहे. सिक्युअर अॅप्लिकेशन फॉर इंटरनेट (साई) असे त्याचे नाव आहे. याबाबत गुरुवारी संरक्षण मंत्रालयाच्यावतीने ही माहिती देण्यात आली.
संरक्षण मंत्रालयाच्या वतीने प्रसिद्ध केलेल्या निवेदनात म्हटले आहे की, भारतीय लष्कराने व्हॉट्सअ‍ॅप सारखे स्वदेशी मेसेजिंग अॅप विकसित केले असून सिक्युअर अॅप्लिकेशन फॉर इंटरनेट (साई) हे
सैन्य संदेशन अॅप पूर्णपणे सुरक्षित असेल. याचे वैशिष्टय म्हणजे परस्पर संप्रेषणासाठी या अ‍ॅपचा वापर करण्यात येईल, सदर अॅप सुरक्षित व्हॉईस, मजकूर आणि व्हिडिओ कॉलिंग सेवेचे समर्थन करेल. हा मेसेजिंग अॅप अँड्रॉइड बेस्ड इंटरनेट सेवा वापरणार्‍या स्मार्टफोनसाठी असेल. या निवेदनात आणखी पुढे म्हटले आहे की, साई हे अॅप यापूर्वीच्या व्हॉट्सअ‍ॅप, टेलिग्राम, संवाद आणि जिम्स सारख्या भारतात मेसेजिंग अॅपसारखे असेल. हे अॅप एन्ड्री टू एंड एन्क्रिप्शन मेसेजिंग प्रोटोकॉलचा वापर करेल. त्यात पुढे म्हटले आहे की, साईचा वापर देशभरात सैन्य सुरक्षितपणे संदेश पाठविण्यासाठी करेल. दरम्यान, या अ‍ॅपच्या कामकाजाचा आढावा घेतल्यानंतर केंद्रीय संरक्षणमंत्र्यांनी हे अॅप विकसित करणाऱ्या कर्नल साई शंकर यांच्या कौशल्याची आणि कौशल्याची प्रशंसा केली आहे.
