पुणे जिल्हा पोलीस सहकारी पतपेढीची मागणी
पुणे ः पुणे जिल्हा पोलीस सहकारी पतपेढी शिष्टमंडळाने गृहमंत्री अनिल देशमुख यांची भेट घेतली. यावेळी स्वभांडवलावर पोलीस दलातील अधिकारी व कर्मचारी यांच्याकरिता वैद्यकीय उपचारासाठी सहकार तत्वावर २२६ बेडचे रुग्णालय उभारण्यासाठी जागा उपलब्ध व्हावी, तसेच इतर विषयावर विस्तृत चर्चा करण्यात आली. यावेळी मार्गदर्शक विजय कोलते, अध्यक्ष प्रशांत शिंदे, अतुल भोसले, माजी अध्यक्ष कैलास गावडे यांच्यासह इतर सदस्य उपस्थित होते.पुणे जिल्हा व शहर पोलीस सहकारी पतपेढीच्या वतीने राबविण्यात येत असलेल्या उपक्रमाबाबतही अध्यक्ष श्री. शिंदे यांनी माहिती दिली. यावेळी पोलीस सह आयुक्त रवींद्र शिसवे यांच्यासह पोलीस अधिकारीही उपस्थित होते.
