मुंबई – तामिळनाडूत यंदा विधानसभा निवडणुका होणार आहे. त्यामुळे राजकीय पक्ष कामाला लागले आहेत. अशात काँग्रेस नेते राहुल गांधी तामिळनाडू दौऱ्यावर गेले होते. या दौऱ्यातील त्यांचा एक व्हिडीयो सोशल मिडियावर व्हायरल झाला आहे. व्हिडीयोमध्ये राहुल गांधी मशरुम बिर्याणी खाताना दिसत आहेत.
गेल्या आठवड्यात राहुल तामिळनाडू दौऱ्यावर गेले होते. त्यांनी तिथे अनेक सभा घेतल्या आणि लोकांना भेटले. यूट्यूब चॅनलच्या एका शोमध्येही ते पोहोचले. याच शोमध्ये त्यांनी मशरुम बिर्याणीचाही आनंद लुटला. याशिवाय शो दरम्यान राहुल गांधी यांनी बिर्याणी तयार करणाऱ्या लोकांशी चर्चाही केली. राहुल यांचा हा संपूर्ण व्हिडीयो व्हायरल होत आहे.
(व्हिडिओ – साभार व्हिलेज कुकींग चॅनेल)
व्हिलेज कुकिंग चॅनलद्वारा अपलोड करण्यात आलेला हा व्हिडीयो आतापर्यंत लाखो लोकांनी बघितलेला आहे. राहुल यांनी तामिळनाडूतील दौऱ्यात पश्चिम भागात जास्तीत जास्त सभा घेतल्या. राहुल यांचा हा व्हिडीयो तामिळनाडू काँग्रेसच्या ट्विटर अकाऊंने रिट्वीट केला आहे. व्हिलेज कुकिंग चॅनलने हा आपल्यासाठी सर्वांत मोठा दिवस असल्याचे म्हटले आहे. राहुल यांनी जवळपास १४ मिनीटे या लोकांशी गप्पा केल्या. लोकांशी चर्चा झाल्यानंतर ते बिर्याणी खाताना दिसत आहेत. त्यानंतर राहुल यांनी जमीनीवर खाली बसून केळीच्या पानांवर बिर्याणीचा आनंद लुटला. त्यानंतरच हा व्हिडीयो व्हायरल झाला.
