नाशिक :- येथील सुप्रसिद्ध हृदयविकार व मधुमेहतज्ञ डॉ. नारायण देवगांंवकर यांची असोसिएशन ऑफ फिजिशियन्स इंडियाच्या राष्ट्रीय कार्यकारिणी सदस्यपदी नुकतीच निवड झाली. हा मान त्यांना दुसऱ्यांंदा मिळाला आहे. या संघटनेचे देशभर ३० हजारांपेक्षा जास्त सभासद आहेत. महाराष्ट्रातून एकमेव डॉ. देवगांंवकर यांना हा सन्मान प्राप्त झाला आहे. राज्य मधुमेह तज्ञांंच्या संघटनेचे सचिव म्हणून ते गेली ६ वर्षे काम बघत आहेत. यापूर्वी आयएमए ते अध्यक्ष होते. अभ्यासू व्यक्तिमत्त्व म्हणून ते सुपरिचित आहेत. त्यांच्या निवडीबद्दल विविध स्तरातून अभिनंदन होत आहे.
निवड झाल्यावर बोलताना डॉ. देवगांंवकर म्हणाले, येत्या काळात संघटनेच्या माध्यमातून वैद्यकीय संशोधन, डॉक्टर्ससाठी विविध कार्यशाळा, शिबिरे तसेच पदव्युत्तर वैद्यकीय शिक्षण घेणाऱ्या विद्यार्थ्यांसाठी शैक्षणिक पुस्तके व संदर्भग्रंथ आदी साहित्यनिर्मिती केली जाईल. गेल्यावर्षी नाशिकमध्ये मधुमेह विषयावर राज्यस्तरीय परिषदेचे यशस्वी आयोजन केले. यंदा कोविडच्या पार्श्वभूमीवर फेब्रुवारी महिन्यात दि. १३ व १४ रोजी राज्यपातळीवर ऑनलाईन परिषद आयोजित करण्यात येणार आहे असे त्यांनी नमूद केले.
