मुंबई – भाजपचे जेष्ठ नेते व माजी मंत्री एकनाथ खडसे राष्ट्रवादीत प्रवेश करणार असल्याच्या चर्चेला उधान आले आहे. त्यासाठी आज राष्ट्रवादीच्या प्रमुख नेत्यांची बैठक झाली. त्यात जळगाव जिल्ह्यातील नेते सुध्दा उपस्थितीत होते. पण, या बैठकीवर खडसे यांनी मला काही माहित नाही, ज्यांनी बैठक घेतली त्यांनाच विचारा असे सांगून कानावर हात ठेवले आहे. तर दुसरीकडे भाजपचे नेते चंद्रकांत पाटील यांनी खडसे अशी कोणतीही भूमिका घेणार नसल्याचे स्पष्ट केले आहे.
आतापर्यंत खडसे यांच्या भाजप सोडण्याच्या चर्चा ब-याच वेळा रंगल्या. पण, त्यानंतर त्यांनी मी भाजपमध्येच राहणार असल्याचे सांगितले. त्यामुळे आता घडत असलेल्या राजकीय घडामोडीत खडसे काय निर्णय घेतात याकडे सर्वांचे लक्ष लागले आहे.
