नाशिक – राज्यपाल भगत सिंह कोश्यारी हे मंगळवारी (३ नोव्हेंबर) नाशिक दौऱ्यावर आहेत. त्यांच्या या दौऱ्यामुळे गंगापूररोडवर आयोजित “स्ट्रीट फॉर पीपल चॅलेंज” रद्द करण्यात आला आहे. हा इव्हेंट पुढे ढकलण्यात येत असल्याचे नाशिक स्मार्ट सिटी कंपनीने कळविले आहे. विद्या विकास सर्कल ते जेहान सर्कल या मार्गावर सदर इव्हेंट घेण्यात येणार होता. या इव्हेंटची नवी तारीख लवकरच कळविण्यात येईल. कृपया त्याची नोंद घ्यावी, असे आवाहन कंपनीने केले आहे.
