नाशिक – शहरातील नाशिक मर्चंट को ऑप (नामको) बँकेच्या रविवार कारंजा येथील शाखेतील सात कर्मचाऱ्यांना कोरोनाची लागण झाल्याने आज शाखेचे काम बंद करण्यात आले आहे.
रविवार कारंजा येथे नामको बँकेची शाखा आहे. या शाखेत व्यवस्थापकसह ११ कर्मचारी आहेत. सोमवारी या शाखेतील तब्बल सात कर्मचारी कोरोना बाधित असल्याचे निष्पन्न झाल्याने एकच खळबळ उडाली. त्यामुळे बँकेच्या ग्राहकामध्येही चिंतेचे वातावरण आहे. आजपासून काही दिवसांसाठी शाखेचे कामकाज बंद ठेवण्यात येणार आहे. मात्र यामुळे अनेकांनी कोरोनाची धास्ती घेतली आहे.
