येवला – अज्ञात वाहनांच्या धडकेत येवला-मनमाड रोडवर स्विफ्ट गाडीच्या झालेल्या भीषण अपघात तीन जणांचा जागीच मृत्यू झाला आहे. तर दोन जण गंभीर जखमी झाले आहेत. त्यांच्यावर जवळच्या रुग्णालयात उपचार सुरु आहेत. येवला-मनमाड रोडवरील सावरगाव जवळ मध्यरात्रीच्या सुमारास हा अपघात झाला.
मध्यरात्रीच्या सुमारास येवला तालुक्यातील धामोडे येथील स्विफ्ट गाडीला अज्ञात वाहनाने जोरदार धडक दिली. ही धडक इतकी जबरदस्त होती की गाडीच्या मागची बाजू अक्षरश: चक्काचूर झाली. यात मागे बसलेल्या तिघांचा जागीच मृत्यू झाला. हे तिघेही एकमेकांचे नातेवाईक होते. तर पुढच्या बाजूला बसलेल्या दोघांना गंभीर दुखापत झाली आहे. या दोघांवर येवला येथील शासकीय रुग्णालयात उपचार सुरु आहेत. तसेच याप्रकरणी येवला पोलीस ठाण्यात गुन्हा दाखल करण्यात आला आहे. तसेच ज्या वाहनाने या कारला धडक दिली, त्याचा शोध घेतला जात आहे.
