येवला : येवला पंचायत समिती उपसभापतीपदी शिवसेनेचे अ‍ॅड. मंगेश भगत यांची बिनविरोध निवड झाली आहे. पंचायत समिती उपसभापती लक्ष्मीबाई गरूड यांनी पदाचा राजीनामा दिल्याने रिक्त झालेल्या उपसभापती पदासाठी निवडणूक घेण्यात आली. निवडणूक निर्णय अधिकारी म्हणून तहसीलदार रोहिदास वारुळे यांनी काम पाहिले. सभेस सभापती प्रवीण गायकवाड, पंचायत समिती सदस्य आशा साळवे, लक्ष्मीबाई गरुड, नम्रता जगताप, अनिता काळे, मोहन शेलार, सुनीताबाई मेंगाने, कविता आठशेरे, गटविकास अधिकारी डॉ. उमेश देशमुख आदी उपस्थित होते.
नवनिर्वाचित उपसभापती अ‍ॅड. मंगेश भगत यांचा मान्यवरांच्या हस्ते सत्कार करण्यात आला. शिक्षक आमदार किशोर दराडे, अ‍ॅड. माणिकराव शिंदे यांची प्रसंगोचित भाषणे झाली. प्रारंभी पंचायत समिती सभापती गायकवाड यांचे वडील स्व. रघुनाथ त्रंबक गायकवाड यांना भावपूर्ण श्रद्धांजली अर्पण करण्यात आली. या प्रसंगी शिक्षक आमदार किशोर दराडे, माजी सभापती संभाजी पवार, ज्येष्ठ नेते अ‍ॅड. माणिकराव शिंदे, शिवसेना तालुकाध्यक्ष रतन बोरणारे, उपजिल्हाप्रमुख भास्कर कोंढरे, देवचंद गायकवाड, भास्कर येवले, नवनाथ काळे, अरुण काळे, शरद लहरे, कांतीलाल साळवे, सुनील पैठणकर, अशोक मेंगाने, बी. एन. सोनवणे, चंद्रकांत शिंदे, बापू गायकवाड आदी उपस्थित होते.
