येवला – येवल्यात मोटारसायकल वरून जाणाऱ्या तरुणांचा नायलॉन मांज्यामुळे गळा चिरला आहे. त्याला २० टाके पडले आहे. सागर गाडे असे या तरुणाचे नाव आहे. त्याला तातडीने उपजिल्हा रुग्णालयात दाखल करण्यात आले. येथे उपचार केल्यानंतर त्याला शिर्डीला पाठविण्यात आले आहे. नाशिकला एका महिलेचा मांज्यामुळे मृत्यू झाल्याची घटना ताजी असतांना ही दुर्दैवी घटना घडली. मकरसंक्रांती निमित्त येवल्यात आजपासून पतंग महोत्सव सुरू झाला असतांना ही घटना घडली. पोलिसांनी याची गंभीरपणे दखल घेतली आहे. जळगाव नेउर येथून येवल्याकडे हा तरुण जात होता.
