नवी दिल्ली – कोरोना लसीकडे सर्वांचे लक्ष लागले आहे. मात्र, लस येण्यापूर्वीच ती मोफत देण्याच्या घोषणा सुरू झाल्या आहेत. बिहार, मध्य प्रदेश, आसाम, तामिळनाडू यानंतर आता केरळनेही लस मोफत देण्याची घोषणा केली आहे.
राज्यातील सर्व नागरिकांना कोरोना लस विनामूल्य दिली जाईल, असे मुख्यमंत्री पिनाराई विजयन यांनी सांगितले आहे. यापूर्वी बिहारमध्ये बिहारकडून मोफत लस जाहीर करण्यात आली आहे. त्याचबरोबर, मध्य प्रदेश, आसाम, तामिळनाडू इत्यादी राज्यांत कोरोना लस विनामूल्य देण्याचे म्हटले आहे.
बिहार विधानसभा निवडणुकीच्या वेळी, बिहारने सर्व लोकांना मोफत कोरोना लसी देण्याच्या आश्वासन पत्र भाजपने जारी केले होते. त्याचवेळी, तामिळनाडूच्या मुख्यमंत्र्यांनी देखील लस तयार होताच ती राज्यातील लोकांना मोफत दिली जाईल, असे सांगितले होते. त्याचप्रमाणे आसाममध्येही लोकांना कोरोना लस विनामूल्य देण्याची घोषणा करण्यात आली आहे.
आसामचे आरोग्यमंत्री बिस्वास म्हणाले की, राज्यातील लोकांना विनामूल्य लसी दिली जाईल. याशिवाय तेलंगणाच्या आरोग्यमंत्री इतेला राजेंदर म्हणाल्या की, एकदा ही लस तयार झाली की तिच्या राज्यातील गरीब लोक आणि आरोग्य कामगारांना मोफत देण्यात येईल. मध्य प्रदेश विधानसभा पोटनिवडणुकीपूर्वी मुख्यमंत्री शिवराजसिंह चौहान यांनी जाहीर केले होते की, राज्य सरकार राज्यातील प्रत्येक गरीब रहिवाशांना कोरोना विषाणूची लस विनामूल्य उपलब्ध करुन देईल.
