नवी दिल्ली – आजच्या काळात वाहन खरेदी करण्याचे प्रत्येकाचे स्वप्न असून बँकांकडून कार लोन घेऊन अनेकांचे हे स्वप्न पूर्ण झाले आहे. परंतु मागील सन २०२० मध्ये कोरोनाचा प्रादुर्भाव झाल्यामुळे अनेक लोकांचा नोकरी आणि रोजगार गेला आहे. त्यामुळे वाहने खरेदी करण्यासाठी पुरेसे पैसे नाहीत. तथापि, अनेक बँका वाहन खरेदी करिता कमी दरात व्याज दर देत आहेत.
आपण इझी ईएमआयवर वाहने खरेदी करू शकता. यापैकी काही बँकांबद्दल माहिती जाणून घेऊ या…
१) सर्वात कमी व्याज दरावर कर्ज देणारी बँक
सध्या बँक ऑफ बडोदा ही सर्वात कमी व्याज दरासह वाहन कर्ज पुरवठा करणारी बँक आहे. ती केवळ ७.२५ टक्के व्याजदरासह कर्ज देते. त्यांची प्रक्रिया शुल्क एकूण रकमेच्या केवळ ०.५० टक्के आहे. याव्यतिरिक्त, कॅनरा बँक ७.३० टक्के व्याजदरासह कार कर्जे ऑफर करते. ज्यांचे प्रोसेसिंग फी ०.२५ टक्के किंवा १००० ते ५००० पर्यंत आहे. एसबीआय कार कर्ज ७.७० टक्के आहे.
२) खासगी बँकांचे कार लोन दर
अ‍ॅक्सिस बँक कार कर्जात ८.७० टक्के व्याज दर देते. त्याच वेळी, त्याचे प्रोसेसिंग फी ३५०० ते ५५०० रुपयांपर्यंत आहे. याव्यतिरिक्त, फेडरल बँक ८.५० टक्के व्याजदरासह कार कर्जे ऑफर करते. आयसीआयसीआय बँक कार कर्ज ७.९० टक्के, एचडीएफसी बँक कार कर्ज ७.९५ टक्के देतात. वेगवेगळ्या बँकांमध्ये कार कर्जासाठी वेगवेगळ्या प्रकारच्या कागदपत्रांची तपासणी केली जाते. तथापि सर्वात महत्वाचे म्हणजे अर्जदाराची वयोमर्यादा १८ ते ७५ वर्षे दरम्यान असणे आवश्यक आहे. त्याचबरोबर अर्जदाराचे किमान उत्पन्न २० हजार रुपये असावे.
३) इलेक्ट्रिक वाहनांवर सूट
इलेक्ट्रिक वाहन (ईव्ही) खरेदी करण्यासाठी कारचे कर्ज घेतले असेल तर तुम्हाला १.५ लाख रुपयांची सूट व्याजावर मिळेल. आपण एखादी इलेक्ट्रिक कार खरेदी केली तर कर्जाच्या कालावधीत आपण सुमारे २.५ लाख रुपयांचा फायदा होऊ शकतो. त्याचबरोबर सरकारने इलेक्ट्रिक कारवरील कर १२ टक्क्यांवरून ५ टक्क्यांपर्यंत कमी केला आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
