मुंबई – छोट्या पडद्यावरील लोकप्रिय मालिका ‘ये रिशता क्या कहलाता है’ मालिकेतील नायरा अर्थात अभिनेत्री शिवांगी जोशी हिने मालिका सोडण्याचा निर्णय घेतला आहे.
या मालिकेने अनेक कलाकारांना ओळख मिळवून दिली. त्यामुळेच हे कलाकार घरोघरी पोहोचले आहेत आणि मालिका यशाच्या शिखरावर. दरम्यान, आपण ही मालिका सोडत असल्याचा व्हिडीओ या मालिकेच्या चॅनलनेच प्रसिद्ध केला आहे. यात ती आपल्या भूमिकेविषयी बोलताना दिसते. ही भूमिका सोडून पुढे जाणे माझ्यासाठी फार कठीण आहे, या शब्दांत ती या भूमिकेसोबतचे आपले नाते सांगते. या साडे चार वर्षांत नायरा कधी शिवांगी बनली हे मला कळले देखील नाही, एवढी ही भूमिका मी जगले आहे. या मालिकेत मी विविध भूमिका केल्या असल्या तरी पत्नीची भूमिका माझी सर्वात आवडती आहे. कार्तिक आणि मी आम्ही दोघांनी हा प्रवास एन्जॉय केला. शिवांगीचा हा व्हिडीओ व्हायरल होत असून, तिच्या मालिका सोडण्याने चाहत्यांना धक्का बसला आहे.
