मुंबई – बॉलिवूडमध्ये हीरो – हिरॉईनप्रमाणेच अनेकदा अभिनेत्यांच्या जोड्या देखील जुळलेल्या दिसतात. पण किंग खान शाहरुख खान आणि सध्याचा आघाडीचा अभिनेता अक्षय कुमार हे दोघेही कधीच एकत्र काम करताना दिसत नाहीत. काय आहे यामागचे कारण? एका मुलाखतीत शाहरुख खाननेच हे कारण सांगितले.
अक्षयप्रमाणे सकाळी लवकर उठणे हे मला शक्य होत नाही. त्याचा दिवस लवकर सुरु होतो. तो जेव्हा उठतो, तेव्हा मी अनेकदा झोपायला जातो. मी रात्री उशिरापर्यंत जगू शकतो, पण अक्षयचे तसे नाही, असे किंग खानचे म्हणणे आहे. यानंतरही आम्ही जरी एकत्र काम केले तरी आमची सेटवर कधीच भेट होणार नाही. कारण ज्यावेळी अक्षय घरी जाईल त्यावेळी मी सेटवर येत असेन. मला त्याच्यासोबत काम करण्याची खूप इच्छा आहे, पण वेळेच्या समस्येमुळे ते शक्य होत नाही.
असे जरी असले तरी या दोघांनी एकमेकांच्या चित्रपटांमध्ये कॅमिओ केलं आहे. ‘ओम शांती ओम’ या चित्रपटात हे दोघे एकत्र दिसले होते. तर अक्षय कुमारच्या ‘बेबी’ चित्रपटात शाहरुख खानचे एक गाणे होते.
