नवी दिल्ली – विमान प्रवासात एका महिलेला चक्क दोरी आणि कपड्यांनी खुर्चीला बांधून ठेवण्यात आल्याचा एक व्हिडिओ सध्या सोशल मिडियात व्हायरल झाला आहे. या व्हिडिओ संदर्भात डेली मेलने वृत्त प्रसारित केले आहे. ही घटना रशियन विमानात घडली आहे. ३९ वर्षांची एक महिला विमानाचे टेक ऑफ होताच आपल्या सीटवरुन उठली आणि केबिनच्या दिशेने गेली. सर्वांच्या समोर ती उभी राहिली. ही महिला खुपच नशेत होती. वेडेवाकडे चाळे ती करीत असल्याने सगळ्यांचे तिच्याकडे लक्ष गेले. त्यातच तिने स्वतःचेच कपडे काढण्यास सुरुवात केली. केबिन क्रू आणि एअर होस्टेसने तिला हटकले. तरीही तिने जुमानले नाही आणि तिने पुन्हा स्वतःची पँट काढली. ही बाब लक्षात घेत केबीन क्रू ने या महिलेला तिच्या खुर्चीत बसविले आणि दोर व कपड्यांनी तिला बांधून ठेवले. विमानचे लँडिंग होताच या महिलेला पोलिसांनी ताब्यात घेतले आणि तिला अटक करण्यात आली.
बघा व्हिडिओ
https://www.youtube.com/watch?v=bbfFYvw1zP0