नवी दिल्ली – उत्तराखंड भाजपा विधिमंडळ मंडळाचे नेते म्हणून निवडले गेलेले तीरथसिंग रावत यांनी मुख्यमंत्रीपद मिळवत एक मैलाचा दगड गाठला, पण भाजपासाठी ही अर्थपूर्ण व समाधानाची निवड आहे का? अशी चर्चा सुरू आहे. कारण आधीच्या मुख्यमंत्र्यांच्या प्रशासकीय त्रुटी आणि व्यावहारिक अकार्यक्षमतेमुळे उत्तराखंडमध्ये हा नेतृत्व बदल झाला असे म्हटले जाते, कारण भाजपाला आगामी निवडणूक तर जिकांयची आहेच, परंतु केवळ त्यासाठी नेतृत्व बदल केलेला नाही.
उत्तराखंडचा नेतृत्व बदल फक्त निवडणुकासाठी नव्हे हे नरेंद्र मोदी यांच्या कार्यकाळातील इतिहासावर नजर टाकली तर दिसून येते. केवळ लोकसभाच नव्हे तर विविध राज्यांच्या निवडणुकांमध्ये पंतप्रधान मोदी हे स्वतःचा प्रभाव स्थानिक नेत्यापेक्षा जास्त दाखवतात, आणि अशा परिस्थितीत उत्तराखंडचा बदल फक्त निवडणूकीसाठी नाही, हे लक्षात येते.
चार वर्षांपूर्वी जेव्हा त्रिवेंद्र रावत यांना उत्तराखंडचे प्रमुखपद देण्यात आले होते. तेव्हा ते लोकांमध्ये किंवा राजकारण्यांमध्ये लोकप्रिय नव्हते. त्यानंतर प्रशासकीय पातळीवरसुद्धा भाजपाला अपेक्षित असलेली प्रतिमा त्यांनी स्थापित केली नाही.
दरम्यान, भाजपने कर्नाटकमधील तत्कालीन मुख्यमंत्री बीएस येडियुरप्पा यांना काढून अल्पावधीतच दोन मुख्यमंत्री झाले. मध्य प्रदेशात अनेक नेतृत्वबदलानंतरही भाजपाने विजय मिळविला होता, वास्तविक तेव्हा मुख्यमंत्री शिवराजसिंह चौहान यांना जवळजवळ तीन वर्षे झाली होती. म्हणून उत्तराखंडमध्ये परिवर्तनाचे म्हणजे मुख्यमंत्री बदलण्याचे कारण आगामी निवडणुकांच्या पलीकडे आहे. प्रदेशाध्यक्ष म्हणून यशस्वी झालेल्या तिरथ यांच्याबद्दल भाजपाला मोठी आशा वाटत असेल, ही दुसरी बाब आहे.
