नवी दिल्ली – गाजीपूर बॉर्डरवर सध्या जणू युद्ध सदृश परिस्थिती निर्माण झाली असून मोदी सरकार आपल्याच शेतकऱ्यांशी युद्धाची तयारी करीत आहे का, असा खोचक सवाल विचारणारा व्हिडिओ काँग्रेस नेत्या प्रियंका गांधी यांनी पोस्ट केला आहे. त्यामुळे या व्हिडिओची देशभरात सध्या जोरदार चर्चा आहे. शेतकरी आंदोलनाला थोपविण्यासाठी सुरक्षेचा मोठा फौजफाटा तैनात करण्यात आल्याचे या व्हिडिओत दिसते आहे.
दरम्यान, याप्रकरणी शिवसेना नेते संजय राऊत यांच्यासह अनेक विरोधी पक्षांनी मोदी सरकारवर कडाडून टिका केली आहे. भारत-चीन किंवा भारत-पाक सीमेऐवजी देशातच अशी स्थिती निर्माण व्हावी, यापेक्षा दुर्दैव ते काय, असा सवालही त्यांनी विचारला आहे.
बघा प्रियंका यांनी पोस्ट केलेला व्हिडिओ
प्रधानमंत्री जी, अपने किसानों से ही युद्ध? pic.twitter.com/gn2P90danm
— Priyanka Gandhi Vadra (@priyankagandhi) February 2, 2021
