नाशिक – भरधाव कारने दिलेल्या धडकेत ४ वर्षीय बालक ठार झाल्याची घटना शनिवारी दुपारी मुंबई नाका परिसरात घडली. गणेश बापुसाहेब पवार (४, रा. दत्त मंदिर चौक, द्वारका, मुळ कळंब, जिल. उस्मानाबाद) असे अपघातात ठार झालेल्या बालकाचे नाव आहे. या प्रकरणी त्याचे वडील बापुसाहेब पवार यांनी तक्रार दिली आहे. त्यानुसार शनिवारी दुपारी तीन वाजेच्या सुमारास ते मुलासह मुंबईनाका सर्कलवर रस्ता ओलांडत असताना द्वारकाच्या दिशेने भरधाव आलेल्या कार (क्र. एमएच ४८, पी ३१३५) यावरील चालकाने त्यास जोराची धडक दिली. यामध्ये गणेश गंभीर जखमी झाला होता. उपचार सुरू असातना त्याचा मृत्यू झाला. याप्रकरणी अज्ञात कारचालका विरोधात मुंबईनाका पोलीस ठाण्यात गुन्हा दाखल करण्यात आला आहे. अधिक तपास सहायक निरिक्षक गेंगज करत आहेत.
