मालेगाव- तालुक्याचे भूमिपुत्र बडोद्या संस्थानचे आदर्श महाराजा सयाजीराव गायकवाड यांचा स्मृती दिनानिमित्ताने राष्ट्र सेवा दला तर्फे महाराजा सयाजीराव गायकवाड यांना अभिवादन करण्यात आले. कर्मवीर या. ना. जाधव विद्यालयात आयोजित करण्यात आलेल्या या कार्यक्रम प्रसंगी राष्ट्र सेवा दल राष्ट्रीय महासचिव अतुल देशमुख, राज्य सचिव नचिकेत कोळपकर, छात्रभारती माजी राज्य कार्याध्यक्ष शरद कोकाटे यांचे प्रमुख उपस्थितीत महाराज सयाजीराव गायकवाड यांचे प्रतिमेस पुष्पहार अर्पण करण्यात आला.
महाराजा सयाजीराव गायकवाड यांचे मालेगाव व नाशिक मधील वंचितासाठी केलेले कार्य आणि राष्ट्र सेवा दलाशी संबध , राष्ट्र सेवा दल सैनिक दादासाहेब बिडकर, डांग सेवा मंडळ आणि महाराजा सयाजीराव गायकवाड अशी कार्यसाखळी नचिकेत कोळपकर यांनी उलगडून सांगितली. तसेच त्यांचा महात्मा फुले, डॉ.आंबेडकर यांचेशी असलेला संबध यावरही माहिती दिली.
याप्रसंगी राष्ट्र सेवा दल राष्ट्रीय महासचिव यांनी उपस्थित कार्यकर्त्यांशी सेवा दल उपक्रम कार्यवाढ यावर संवाद साधला.
या प्रसंगी जिल्हा संघटक रविराज सोनार, तालुका कार्याध्यक्ष सुधीर साळुंखे, सेवा दल मंडळ सदस्य स्वाती वाणी, मालेगाव ब्लड ङोनर गृपचे सोहेल डॉलरिया, साधना कलामंचचे प्रवीण वाणी, अंधश्रद्धा निर्मूलन समिती कार्याध्यक्ष डॉ.संदीप खैरनार, साधना वाचनालयाचे अशोक पठाडे, पत्रकार संघाचे राजीव वडगे, राजेंद्र जाधव, समाजवादी पार्टीचे शरीफ मन्सुरी, कम्युनिस्ट पार्टीचे कॉम्रेड वाजीद आदींसह विविध संस्था संघटना कार्यकर्ते उपस्थित होते.
त्यानंतर राष्ट्रीय महासचिव अतुल देशमुख यांनी कर्मवीर या. ना. जाधव यांचे समाधीस अभिवादन करून मालेगावात सेवा दल कार्यकर्त्यानी उभारलेल्या विविध संस्थाना भेटी दिल्या. कोविड काळातील दिवंगत सेवा दल सैनिकांच्या घरी भेटी दिल्या. कौटुंबिक संवाद ही साधला.
