मालेगांव – तालुक्यातील पाटणे गावात अज्ञात चोरट्यांनी एक घर फोडून तब्बल ४ लाख रुपयांचे सोन्याचे दागिने लंपास केले आहेत. याप्रकरणी मालेगांव पोलिस ठाण्यात अज्ञात व्यक्ती विरुध्द गुन्हा दाखल करण्यात आला आहे.
याप्रकरणी राजू अहिरे (रा. पाटणे) यांनी मालेगांव पोलिस ठाण्यात तक्रार दिली आहे. त्यानुसार, अहिरे हे कुटुंबासह ३१ ऑक्टोबर रोजी रात्री घराच्या दुसऱ्या मजल्यावर झोपले होते. अज्ञात चोरट्यांनी दरवाजाचा कडी कोयंडा तोडून घरात प्रवेश केला. लोखंडी कपाटातील सोन्या-चांदीचे दागिने असा एकूण ४ लाख रुपयांचा ऐवज चोरुन नेला. सकाळी उठल्यानंतर चोरी झाल्याचे अहिरे कुटुंबियांच्या निदर्शनास आले. याप्रकरणी पुढील तपास मालेगाव पोलिस ठाण्याचे कर्मचारी करीत आहेत.
