मनाली देवरे, नाशिक
……
जिओ वुमन्‍स टी२० चॅलेंज स्‍पर्धेच्‍या अंतीम सामन्‍यात ट्रेलब्रेझरने सुपरनोव्‍हाज संघाचा अनपेक्षीत पराभव करून या स्‍पर्धेचे पहिल्‍यांदाच विजेतेपद पटकावले. याआधी सलग दोन वेळेला विजेतेपद पटकावणा–या सुपरनोव्‍हाजचा पराभव झाल्‍याने या स्‍पर्धेला आता नवा विजेता संघ मिळाला आहे.
सुपरनोव्‍हाज संघाची गोलंदाज राधा यादव हिने ५ बळी घेवून ट्रेलब्रेझर संघाला अवघ्‍या ११८ धावात रोखले होते. या डावात कर्णधार स्‍मती मंधानाने ट्रेलब्रेझरसाठी ६८ धावाची एकाकी लढत दिली होती. पंरतु, या छोटया धावसंख्‍येंचा पाठलाग करतांना सलमा खातूनने घेतलेले ३ बळी आणि दिप्‍ती शर्माचे २ बळी सुपरनोव्‍हाजसाठी अतिशय महागात पडले. सुपरनोव्‍हाजची कर्णधार हरमनप्रीत कौर हिने ३० धावा करतांना एकाकी लढत दिली. पंरतु तिला दुस–या बाजुने साथ न मिळाल्‍याने सुपरनोव्‍हाजला २० षटकात ७ बाद १०२ पर्यतंच मजल मारता आली.
