मनमाड – हिसवळ बुद्रुक येथील चौघांवर लांडग्याने हल्ला केल्याची घटना घडली आहे. मनमाड पासून हे गाव जवळ आहे. लांडग्याने अचानक हल्ला केल्याने यात दोन महिला आणि दोन पुरुष जखमी झाले आहेत. त्यांना तातडीने मनमाडच्या उपजिल्हा रुग्णालयात उपचारासाठी दाखल करण्यात आले आहे. नांदगाव तालूक्यात वन्यप्राणांचा संचार असला तरी लांडग्याने हल्ला केल्याची ही पहिलीच घटना असल्याचे बोलले जात आहे. शेतात जात असतांना ही घटना घडली. आहे. दरम्यान वनविभागाच्या अधिका-यांनी जखमी झालेल्यांची भेट घेत विचारपूस केली.
