मनमाड – राज्यातील पोलिस मित्रांसाठी नेहमी अग्रक्रमाने भाग घेणाऱ्या पोलीस मित्र समितीच्या नांदगाव तालुका अध्यक्षपदी कविताताई परदेशी यांची महिला प्रदेशाध्यक्ष सविता गवांदे तसेच संस्थापक अध्यक्ष अशोक गवांदे यांनी नियुक्ती केली आहे. या समितीच्या माध्यमातून विविध सामाजिक बांधिलकी तसेच विविध उपक्रम राबवण्यात येत असल्याचे सौ कविताताई परदेशी यांनी सांगितले. त्या पुढे म्हणाल्या की, संस्थेचे कार्य व उद्दिष्टांमध्ये नवरात्र , गणेशोत्साव तसेच इतर सण
उत्सवाच्या काळात बंदोबस्ताच्या वेळेस पोलीसांना मदत करणे. मोहला, वार्ड, गाव, शहर शांतता राखून पोलीसांना सहकार्य करणे, पोलीस व नागरिक यांच्या मध्ये मैत्री संबंध प्रस्तापित करणे, पोलीसांच्या आरोग्य संबंधी आरोग्य शिबिर घेणे,पोलीस कॉलनी मध्ये काही समस्या असल्यास योग्य त्या खात्यामार्फत सोडवणे. गर्दीच्या ठिकाणी वाहतूक पोलीसांना मदत करणे गृह रक्षक दल यांच्या समस्या सोडवणे, पोलीस मित्र समितीच्या सभासद व पदाधिकारी यांना जनसंख्या व पोलीसांच्या संकटकाळी मदतील जाणे, पोलीसांच्या कुटुंबियांना आपत्कालीन परिस्थीतत आवश्यकता त्या प्रमाणे मदत करणे, पोलीसच्या कुटुंबियांना जन कल्याण योजना राबवणे, अशा विविध सामाजिक उपक्रमाच्या अनुषंगाने या समितीच्या माध्यमातून काम केले जाणार आहे.
