मखमलाबादला घरासमोर पार्क केलेली दुचाकी पेटवल्याची घटना

मखमलाबादला घरासमोर पार्क केलेली दुचाकी पेटवल्याची घटना
नाशिक : समाज कंठकांनी घरासमोर पार्क केलेली दुचाकी पेटवल्याची घटना मखमलाबाद गाव येथे गुरूवारी (दि.१८) पहाटे घडली. याप्रकरणी विजय संपत लिलके (रा. कोळीवाडा समाज मंदिर जवळ, मखमलाबाद) यांनी तक्रार दाखल केली आहे. त्यानुसार गुरूवारी मध्यरात्री लिलके यांनी त्यांची होन्डा ड्रीमयुगा गाडी क्रमांक एमएच १५, डीआर १८३३ ही रात्री झोपताना घरासमोर पार्क केली होती. गुरूवारी पहाटे अज्ञात समाजकंठकांनी दुचाकीवर ज्वलनशील पदार्थ टाकून पेटवून दिली. यामध्ये गाडीचे मोठे नुकसान झाले आहे. याप्रकरणी म्हसरूळ पोलीस ठाण्यात गुन्हा दाखल करण्यात आला आहे.अधिक तपास पोलीस हवालदार पवार करत आहेत.

……
बांधकामवारून ड्रील मशीन पळवल्या
नाशिक : बांधकाम सुरू असलेल्या घरात प्रवेश करून अज्ञातांनी दोन ड्रील मशीन पळवून नेल्याचा प्रकार सोमवारी (दि.१५) रात्री भद्रकालीत घडला. याप्रकरणी दिलदार हसन इस्कामत चौधरी (रा. नाईकवाडीपूरा, भद्रकाली) यांनी तक्रार दाखल केली आहे. त्यानुसार चौधरी यांच्या घराचे काम सुरू आहे. याठिकाणी सोमवारी रात्री अज्ञात चोरट्याने प्रवेश करून तेथील दोन हजार रुपये किंमतीच्या दोन ड्रिल मशीन चोरून नेल्या. याप्रकरणी भद्रकाली पोलीस ठाण्यात गुन्हा दाखल करण्या आला आहे. अधिक तपास उपनिरिक्षक व्ही. एस.जोनवाल करीत आहेत.

……..

कट लागल्याच्या कारणातून एकास मारहाण
नाशिक : चारचाकी गाडीचा कट लागल्याच्या कारणातून चौघांनी एकास बेदम मारहाण केल्याची घटना रविवारी अंबड औद्योगिक वसाहतीत घडली. यामध्ये दोन महिलांचा सामावेश आहे. राहुल पानपाटील, भागवत आहिरे, सिमा भागवत, शितल कटारे (सर्व रा. महालक्ष्मी, अंबड) अशी मारहाण करणार्‍या संशयितांची नावे आहेत. याप्रकरणी दिनेश अंबिका विश्‍वकर्मा (५०, रा. केवल पार्क, कामठवाडे) यांनी तक्रार दाखल केली आहे. त्यानुसार अंबड औद्योगिक वसाहतीतील दातार कॅन्सर सेंटर समोरून विश्‍वकर्मा हे जात असताना त्यांच्या गाडीचा कट लागल्याच्या कारणातून संशयितांनी त्यांना लाथाबुक्क्यांनी बेदम मारहाण केली. तसेच लोखंडी रॉड व दगडाने मारहाण केल्याचे फियार्दीत म्हटले आहे. याप्रकरणी चौघांविरोधात अंबड पोलीस ठाण्यात गुन्हा दाखल करण्यात आला आहे. अधिक तपास सहायक उपनिरिक्षक शेळके करत आहेत.