नाशिक – केंद्र सरकारच्या आधारभूत किंमत योजने अंतर्गत राज्यात ठिकठिकाणी मका खरेदी केंद्रे सुरू करण्यात आली आहेत .शेतकऱ्यांच्या शेतमालाला योग्य भाव मिळावा म्हणून आधारभूत किंमत खरेदी योजनेअंतर्गत ही खरेदी केंद्रे सुरू करण्यात आली आहे .त्या अनुषंगाने अनेक शेतकऱ्यांची मका खरेदी केली गेली आहे .परंतु मका खरेदीचे उद्दिष्ट पूर्ण झाल्याने मका खरेदी चे पोर्टल बंद झाले आहे. अनेक शेतकऱ्यांची मका अजूनही मोठया प्रमाणात शिल्लक असल्याने ते चिंतीत झाले आहे व शेतकऱ्यांनी मका खरेदीची मुदत अजून वाढवून मिळावी अशी मागणी केली असता खा .डॉ. भारती पवार यांनी तातडीने केंद्रीय मंत्री रावसाहेब दानवे यांचेशी संपर्क साधून त्यांना शेतकऱ्यांकडे राहिलेली मका खरेदी करावी असे पत्र दिले. त्यांनीही या मका खरेदीसाठी सकारात्मकता दाखवली असून राज्य सरकारने जर अधिक मका खरेदी करण्यासाठी मागणी केली तर त्याला केंद्राकडून मंजुरी दिली जाईल असे आश्वासन खा.डॉ.भारती पवार यांना दिले. आता राज्य सरकारने मका खरेदीसाठी केंद्राकडे लवकरात लवकर पत्रव्यवहार करावा जेणेकरून राहिलेल्या शेतकऱ्यांची मका खरेदी करून त्यांना दिलासा मिळेल अशी विनंती खा.डॉ.भारती पवार यांनी महाराष्ट्र सरकारला केली आहे.
मका खरेदी त्वरित सुरू करा : खा.डॉ.भारती पवार
