नाशिक – नाशिक शहरातील शिवजन्मोत्सव पूर्वतयारीच्या पार्श्वभूमीवर आज राज्याचे अन्न, नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री छगन भुजबळ यांनी नाशिकरोड येथील छत्रपती शिवाजी महाराज यांच्या पुतळा परिसराची पाहणी केली. यावेळी त्यांनी छत्रपती शिवाजी महाराज यांच्या अश्वारूढ पुतळ्याला पुष्पहार अर्पण करत अभिवादन केले.
यावेळी देवळाली विधानसभा मतदारसंघाच्या विद्यमान आमदार सरोज आहिरे, शिवजन्मोत्सव समितीचे अध्यक्ष विक्रम कोठुळे, नगरसेवक विशाल संगमनेरे, विकास भागवत, राजेश फोकणे, किशोर जाचक, संतोष क्षीरसागर, नितीन चिडे यांच्यासह शिवजन्मोत्सव समितीचे पदाधिकारी व कार्यकर्ते उपस्थित होते.
