भारत कोरोनामुक्तीच्या वाटेवर आहे की नाही? काय आहे सद्यस्थिती?

नवी दिल्ली – गेल्या वर्षी कोरोना संसर्ग जगभरात पसरू लागला तेव्हा काही तज्ज्ञांनी चिंता व्यक्त केली होती की, भारतासारख्या मोठ्या लोकसंख्येच्या देशाला या साथीचा प्रचंड त्रास सहन करावा लागेल. त्यात कोट्यावधी लोकांचा बळी घेतला जाईल. मात्र तसे काही घडले नाही. आता तज्ज्ञ हे शोधण्याचा प्रयत्न करीत आहेत की, भारतातील कोरोना साथीचा आजार संपुष्टात येत आहे काय? तसेच समूहातील प्रतिकारशक्ती विकसित केली गेली आहे का?  कोरोना संसर्गाची प्रकरणे कमी का झाली आहेत का?

 सध्या अमेरिका आणि ब्रिटनसह अनेक विकसित देशांमध्ये लसीकरण मोहीम जोरात सुरू आहे, परंतु तेथे कोरोना संसर्ग अजूनही चालू आहे. अमेरिकेत, जेथे दररोज सुमारे ५० हजार नवीन रुग्ण प्रकरणे येत आहेत, रशिया आणि ब्रिटनमध्ये ही संख्या १० हजारांच्या पलीकडे आहे. याउलट, गेल्या आठवड्यापासून भारतात कोरोना संसर्गाची दैनंदिन प्रकरणे सुमारे १० हजारपेक्षा कमी झाली आहेत. दैनंदिन मृत्यूची प्रकरणेही एक हजारांवर आली आहेत.
नुकत्याच झालेल्या सर्व्हेनुसार २१ टक्के प्रौढ आणि १२ टक्के मुले यापूर्वीच कोरोना विषाणूची लागण झाल्याचे समोर आले आहे.  यामध्ये असेही म्हटले आहे की, ३१ टक्के झोपडपट्टीवासीय आणि २६ टक्के शहरी लोकसंख्या झोपडपट्ट्यांबाहेरील रहिवासी आणि १९ टक्के ग्रामीण लोकसंख्या कोरोनामध्ये संक्रमित आहे.  दिल्ली आणि पुण्यासारख्या महानगरांत एका अहवालांवरून असे कळते की, ५० टक्के लोकांमध्ये अद्याप सामुहिक रोग प्रतिकारशक्ती विकसित झाली नाही.

      काही तज्ज्ञ असे म्हणतात की,  शहरांमध्ये आणि विशेषत: दाट लोकवस्ती असलेल्या झोपडपट्ट्यामध्ये जास्त लोकांना संक्रमण झाले असेल.  लहान शहरे आणि खेड्यांपेक्षा हे संक्रमण शहरी जिल्ह्यांमध्ये अधिक पसरले.  या ठिकाणी संसर्ग दरात लक्षणीय फरक आहे.  शहरी भागात दैनंदिन प्रकरणे सातत्याने घसरत आहेत.
काही शास्त्रज्ञांच्या मते, प्रत्यक्षात भारतात कोरोना संसर्गामुळे होणाऱ्या मृत्यूची संख्या कमीच आहे.  तथापि, त्याचा फायदाही झाला की, लोक घाबरले नाहीत, ज्यामुळे कोरोना संसर्ग नियंत्रित करण्यात मदत झाली.  तथापि, मार्चमध्ये लॉकडाउनची कडक अंमलबजावणी देखील कोरोना संक्रमणास नियंत्रित करण्यासाठी बरीच फायदेशीर ठरली.

     तसेच फेस मास्क वापरणे, शारीरिक अंतर आणि शाळा-महाविद्यालये बंद होणे आणि घरून काम करण्याची पद्धत देखील हा संक्रमणाचा प्रसार रोखू शकली. भारतातील कमी मृत्यूचे प्रमाण असण्याचे कारण म्हणजे तरुण लोकसंख्या आणि त्यांच्यातील रोग प्रतिरोधक क्षमता आणि ग्रामीण जीवनशैली होय.  कारण कोरोनाचे विषाणू बंद खोल्यांमध्ये अधिक प्रभावी होतात, परंतु भारतातील ६५ टक्के लोक खेड्यांमध्ये राहतात आणि त्यांना उघडयावर जगण्याची व उघड्यावर काम करण्याची सवय आहे.