नवी दिल्ली – कोरोनाची लस आपल्याला प्रथम मिळावी अशी जगभरातील प्रत्येक नागरिकाची अपेक्षा आहे. ब्रिटनमध्ये मंगळवारी (८ डिसेंबर) कोविड लसीकरणाला सुरवात झाली असून त्यात एका भारतीय वंशाचे दाम्पत्य कोरोना लस मिळालेले जगातील पहिले नशीबवान दाम्पत्य ठरले आहे. डॉ. हरी शुक्ला (वय ८७) आणि त्यांच्या पत्नी रंजन शुक्ला (वय ८३) यांना न्यू कॅसलच्या रुग्णालयात फायझर बायोटेकच्या लसीचा पहिला डोस देण्यात आला.
प्रथम कोरोनाची लस मार्गारेट मॅगी केनन (वय ९०) यांना दिली गेली. दुसर्‍या क्रमांकावर विल्यम शेक्सपियर (वय ८१) या लसीचे इंजेक्शन देण्यात आले. यानंतर शुक्ला दाम्पत्याला लस देण्यात आली. ईशान्य ब्रिटनमध्ये राहणाऱ्या शुक्ला दाम्पत्याची निवड गेल्या आठवड्यात यूके नॅशनल हेल्थ सर्व्हिसेस यांनी केली होती. डॉ.हरि शुक्ला प्रथम लस दिल्यानंतर त्यांची पत्नी रंजन यांनीही या लसीसाठी अर्ज केला कारण तीही त्याच वयोगटात येते.
डॉ. हरी शुक्लाचे वडील मुंबईचे होते, त्यांचा जन्म केनियामध्ये झाला होता, परंतु त्यांचे नाते मुंबईशी जोडलेले आहे. डॉ. शुक्ला हे वेअर रंगभेद समानता परिषदेचे संचालक आहेत आणि वर्णभेदाच्या समाप्तीच्या कामांसाठी त्यांना एमबीई, ओबीई आणि सीबीई पुरस्कार देण्यात आला आहे. एनएचएसने पहिल्यांदाच त्यांची लसीकरणासाठी निवड केली.
साथीचा रोग संपेल :
कोरोना महामारी संपेल अशी आशा आहे. ही लस मिळल्यामुळे असे वाटते की, मी समाजातून व्हायरस पुसून टाकण्याची आपली जबाबदारी पार पाडली आहे. एनएचएस टीम परिश्रम घेत आहे आणि ते कौतुकास्पद आहे. आम्हाला साथीच्या रोगात सुरक्षित ठेवण्यासाठी मी त्यांचे आभार मानतो.
-डॉ. हरि शुक्ल
ब्रिटनने मोठे पाऊल उचलले :
आज कोरोना साथीच्या आजाराने सुरू असलेल्या युद्धामध्ये ब्रिटनने मोठे पाऊल टाकले आहे. आम्हाला लस शास्त्रज्ञ, चाचणीत सामील लोक आणि अहोरात्र मेहनत करणारे एनएचएस याचा अभिमान आहे. मोठ्या प्रमाणात लसीकरण करण्यास वेळ लागेल, म्हणून तुम्ही सर्वांनी सावध रहावे आणि हिवाळ्यात लॉकडाऊनच्या नियमांचे पालन केले पाहिजे.
-बोरिस जॉनसन, पंतप्रधान
