भारतीय ड्रायव्हिंग लायसन्सद्वारे आपण चालवू शकता या देशात कार…

नवी दिल्ली  : आपण परदेशात स्थायिक झालेल्या आपल्या मित्रांना किंवा नातेवाईकांना भेटायला जातो, तेव्हा आपल्याला तेथील चकाचक चमकणाऱ्या रस्त्यावर गाडी चालवावी असे वाटले असेल.  परंतु जेव्हा त्या देशांतील ड्रायव्हिंगचे कडक नियम आपल्याला माहिती होतात, तेव्हा  आपल्या मनावर दडपण येते.  परंतु आता  भारत सरकारने आपले ड्रायव्हिंग लायसन्स १५ अन्य देशांमध्येही वैध असल्याचे सिद्ध केले आहे. तथापि, आपल्याला त्यासाठी आंतरराष्ट्रीय ड्रायव्हिंग परमिट असणे अनिवार्य आहे.
या लायसन्सद्वारे आपल्याला कोणत्या १५ देशांमध्ये वाहन चालविण्यास परवानगी मिळू शकते, त्या देशांची यादी जाणून घेऊ या…

१ ) इंग्लड : यूके (युनायटेड किंगडम) या देशात आपण आपल्या परवान्यावर एकूण १ वर्ष वाहन चालवू शकता.  आपण भारतीय ड्रायव्हिंग परवान्यासह स्कॉटलंड, इंग्लंड आणि वेल्सच्या रस्त्यावरुन गाडी चालवू शकता. परंतु  येथे डाव्या बाजूने वाहन चालविण्याचा सराव लागतो.

२ ) स्वित्झर्लंडः  स्वित्झर्लंडला हा जगातील सर्वात सुंदर देशांपैकी एक आहे.  या देशात बरीच नैसर्गिक सौंदर्य, सुंदर मैदाने, पर्वत इत्यादी आहेत.  येथे देखील, आपण एक वर्षभर आपली कार भरू शकता. मात्र आपला परवाना इंग्रजी भाषेत असावा, स्वित्झर्लंडमध्ये वाहन भाड्याने घेऊनही आपण ड्रायव्हिंगचा आनंद घेऊ शकता.

३ ) अमेरिका : ड्रायव्हिंगचे कडक नियम असूनही तुम्हाला आश्चर्य वाटेल, परंतु हे खरे आहे की, यूएसए (युनायटेड स्टेट्स ऑफ अमेरिका) देखील तुम्हाला वर्षभर गाडी चालविण्यास परवानगी देते. मात्र त्यासाठी तुमचा परवाना हा आंतरराष्ट्रीय असावा, तसेच तो इंग्रजी भाषेतही असावा, अशी अट आहे.

४ ) जर्मनीः जगभरात आपल्या अ‍ॅडव्हान्स आणि लक्झरी कार्स बनवणाऱ्या जर्मनी देशालाही भारतीय परवाना मान्य आहे.  ड्रायव्हिंग लायसन्सवर भारतीय एकूण 6 महिने वाहन चालवू शकतात.  विशेष म्हणजे मर्सिडीज बेंझ, ऑडी, बीएमडब्ल्यूसारख्या प्रीमियम लक्झरी कार जर्मनीमध्ये तयार केल्या जातात.

५ ) नॉर्वे: या देशात निसर्गाचे सौंदर्य अद्भुत असल्याचे म्हटले जाते. भारतीय परवाना तुम्ही येथे 3 महिने वाहन चालवू शकता.  नॉर्वेत मध्यरात्री येथे तुम्हाला वाहन चालविताना अचानक सूर्य दिसू लागतो.  उत्तर नॉर्वेमध्ये उन्हाळ्यामध्ये मध्यरात्री सुर्योदय दिसणे सामान्य गोष्ट आहे.

६ ) मॉरिशस: पर्यटनाच्या बाबतीत मॉरिशस हा एक चांगला देश असून अनेक लोक सुट्टीसाठी या देशात जातात.  आफ्रिकन खंडाच्या दक्षिणपूर्व दिशेला हा देश आहे.  कोणत्याही भारतीय व्यक्तीला एका दिवसासाठी येथे ड्रायव्हिंगचा आनंद घेता येऊ शकतो.

७ ) फिनलँडः युरोपच्या उत्तरेकडील भागात असलेल्या या देशात तुम्ही भारतीय ड्रायव्हिंग परवान्यासह संपूर्ण 1 वर्ष वाहन चालवू शकता. परंतु यासाठी आपल्याकडे आरोग्य विमा असणे आवश्यक आहे.

८ ) फ्रान्स:  वाहन निर्माता रेनॉल्ट या फ्रेंच कंपनीने आपल्या गाड्यांची मोठ्या प्रमाणात भारतात वाहन विक्री केली आहे. फ्रान्समध्ये  आपण वर्षभर कार चालविण्यासाठी भारतीय परवाना वापरू शकता.  परंतु येथील कायद्यानुसार आपला परवाना फ्रेंच भाषेतही अनिवार्य आहे.

९ ) या देशांमध्येही आपण कार चालवू शकताः भारतीय परवान्यासह वरिल आठ देशांव्यतिरिक्त न्यूझीलंड, ऑस्ट्रेलिया,  भूतान, इटली, सिंगापूर, कॅनडा आणि दक्षिण आफ्रिका या प्रमुख कार उत्पादक देशांमध्येही तुम्ही वाहने चालवू शकता. परंतु आपल्याला सर्व देशांचे भिन्न नियम आणि कायदे पाळुन वाहन चालवावे लागते.