नवी दिल्ली – मित्र आणि भागीदार देशांना कोरोना प्रतिबंधक लस पुरवण्याच्या व्हॅक्सिन मैत्री अभियानामुळं भारताची जगभरात स्तुती होत आहे. जगातील अनेक माध्यमांनी या अभियानाची दखल घेतली आहे. संकट काळात अनेक देशांसाठी हात पुढे करणाऱ्या भारताची प्रतिमाही यानिमित्ताने उज्ज्वल होत आहे.
लस पुरवण्याच्या जागतिक स्पर्धेत भारत हा सर्वांत पुढं असल्याचं वॉल स्ट्रीट जर्नलच्या एरिक बेलमन यांनी सांगितलं. भारतानं त्यांच्या लसीकरण मोहिमेत कोणताही अडथळा किंवा कमतरता येऊ न देता, देशातल्या जनतेला दिल्या त्यापेक्षा तिप्पट प्रमाणात लशी निर्यात केल्या असल्याचं बेलमन म्हणाले.
बेलमन आणि यारास्लाव ट्रोफीमोव्ह यांनी वॉल स्ट्रीट जर्नल याबाबत एक लेख लिहिला असून त्यात भारताला लस महाशक्ती असं संबोधण्यात आलं आहे.
