निफाड – तालुक्यातील भरवस फाटा येथे येवला रस्त्यावर एका घरात धाडसी दरोडा मध्यरात्रीच्या सुमारास टाकण्यात आला. यावेळी दरोडेखोरांनी घरातील एका जणाला ठार मारले असून एका व्यक्तीला जखमी केले आहे. पोलिसांनी घटनास्थळी धाव घेतली असून तपास सुरू आहे.
पोलिसांनी दिलेल्या माहितीनुसार, कारभारी आबाजी जगताप (६९) यांचे येवला रस्त्यावर घर आहे. मध्रात्रीच्या सुमारास त्यांच्या घरी अज्ञातांनी दरोडा टाकला. यावेळी झालेल्या झटापटीत कारभारी यांची दरोडेखोरांनी हत्या केल्याचे सांगितले जात आहे. तर, कारभारी यांची पत्नी अलका या जखमी झाल्या आहेत. दरोडेखोरांनी स्थिती लक्षात घेऊन तत्काल पळ काढला. सकाळच्या सुमारास ही बाब निदर्शनास आली आहे. अलका यांना हॉस्पिटलमध्ये उपचारार्थ दाखल करण्यात आले आहे. पोलिस अधिक तपास करीत आहेत.
