नाशिक – महाराष्ट्र जलसंपदा विभागाच्या नाशिक पाटबंधारे विभागाने औरंगाबाद तसेच नाशिक, अहमदनगरच्या काही भागांना पिण्याच्या व शेतीच्या उद्देशाने पाणीपुरवठा करणार्‍या ११० वर्ष जुन्या गोदावरी डाव्या व उजव्या कालव्यांच्या दुरुस्तीचा प्रस्ताव सादर केला आहे. जुन्या बांधकामांच्या दुरुस्तीसाठी प्रस्तावित विकासकामांचा हा पहिला टप्पा आहे. या विभागाचे कार्यकारी अभियंता सागर शिंदे यांनी सांगितले की, कालवे कामांच्या दुरुस्तीचा प्रस्ताव असून अंदाजे ८५ कोटी रुपये खर्च करून कालव्यांचे पूर्वी करण्यात आलेल्या कामांचे मजबुतीकरण व रुंदीकरण करण्यात येणार आहे.
गोदावरी नदीवरील नाशिक जिल्ह्यातील निफाड तालुक्यातील नंदुरमध्यमेश्वर धरणामधून कालवे उद्भवतात. सुमारे ११० कि.मी. उजवा कालवा हा निफाड, सिन्नर, आणि कोपरगाव, रहाता ,शिर्डी, श्रीरामपूर यांना पाणी पुरवतो. डाव्या काठाच्या कालव्याने नाशिक जिल्ह्यातील निफाड व येवला व औरंगाबाद जिल्ह्यातील वैजापूर येथे पाणी नेले आहे. ब्रिटीशांनी बांधलेल्या दोन्ही कालव्यावर क्रॉसिंग आणि कमानी जलवाहिन्यांचा समावेश असलेल्या अनेक संरचना आहेत. ही सर्व कामे आता कमकुवत झाली आहेत. आणि वाढती मागणी लक्षात घेऊन पाण्याचा प्रवाह वाढविण्यासाठीही विस्ताराची गरज असल्याचे शिंदे सांगितले.
दशकभरापूर्वी दुरुस्तीची कामे प्रस्तावित करण्यात आली होती आणि पहिल्या टप्प्यात ११.३१ कोटी रुपये खर्चून ७४ टक्के कामे तर दुसऱ्या टप्प्यात ६.६४ कोटी रुपयांची ४७ टक्के कामे आतापर्यंत हाती घेण्यात येणार आहेत. उर्वरित २४३ कामांपैकी ६० रचनांना त्वरित दुरुस्तीची आवश्यकता आहे. हा प्रस्ताव गोदावरी मराठवाडा पाटबंधारे विकास महामंडळाकडे (जीएमआयडीसी) राज्य सरकारकडे पाठविण्यासाठी सादर करण्यात आला आहे.
