बोस्फरस मुष्टीयुद्ध स्पर्धेत निखत झरीनचा उपांत्यपूर्व फेरीत प्रवेश

नवी दिल्ली – तुर्कस्थानमधे सुरु असलेल्या बोस्फरस मुष्टीयुद्ध स्पर्धेत ५१ किलो वजनी गटात भारताची मुष्टीयोद्धी निखत झरीन हीनं उपांत्यपूर्व फेरीत प्रवेश केला आहे. स्पर्धेच्या आजच्या दुसऱ्या दिवशी झालेल्या सामन्यात झरीन हीनं जागतिक विजेती एकतेरिना पाल्तेसिव्हा हिला ५-० असं हरवून स्पर्धेतल्या धक्कादायक विजयाची नोंद केली. आता उपांत्यपूर्व फेरीत झरीन हीची लढत दोन वेळची जागतिक विजेती कझागिस्तानची किझैबे नाझीम हीच्यासोबत होणार आहे. भारताच्या शिवा थापा, प्रवीण आणि सोनिया लाठेर यांनीही आपापल्या वजनी गटातले सामने जिंकून उपांत्यपूर्व फेरीत प्रवेश केला आहे.