मुंबई : बॉलिवूडचे शहेनशहा अमिताभ बच्चन यांच्या नातीचा, आराध्या हिचा १६ नोव्हेंबर हा जन्मदिवस. त्यामुळे अमिताभ आजोबांनी आपल्या या नातीला अनोख्या पद्धतीने शुभेच्छा दिल्या आहेत. आपला नववा वाढदिवस साजरा करणाऱ्या आराध्याला शुभेच्छा देताना बिग बींनी तिच्या लहानपणापासूनच्या फोटोंचे एक कोलाज बनवले आहे. त्यात पहिल्या वर्षांपासून ते नवव्या वर्षापर्यंतचे सगळे फोटो आहेत. प्रत्येक वर्षाच्या फोटोवर नंबरही आहे. हे फोटो शेअर करतांना त्यांनी “हॅप्पी बर्थडे आराध्या, मेरा सारा प्यार तुम्हारा है”, असे म्हटले आहे. अमिताभ बच्चन यांच्या या पोस्टला तीन लाखांहून अधिक लाईक्स मिळाले आहेत. त्यांचे फॅनही आराध्याला शुभेच्छा देत आहेत.
