पाटणा – बिहार विधानसभेच्या तिसऱ्या आणि शेवटच्या टप्प्यासाठी आज शांततेत मतदान झालं. संध्याकाळी पाच वाजेपर्यंत ५४ पूर्णांक ६ शतांश टक्के मतदारांनी त्यांचा मतदानाचा हक्क बजावला होता. या फेरीत भाजपचे ३५, संयुक्त जनता दलाचे ३७, राष्ट्रीय जनता दलाचे ४६, काँग्रेसचे २५ आणि डाव्या पक्षांचे सात उमेदवार निवडणूक रिंगणात आहेत. या फेरीत विधानसभा अध्यक्ष विजयकुमार चौधरी आणि बारा मंत्री निवडणूक रिंगणात उतरलेले आहे. बिहार विधानसभेच्या एकूण २४३ जागांसाठी तीन टप्प्यात मतदान झालं. येत्या दहा तारखेला मतमोजणी होणार आहे.
बिहार निवडणूक – तिसऱ्या टप्प्यात ५४.६ टक्के मतदान; मंगळवारी मतमोजणी
