मुंबई – मनसेचे माजी आमदार वसंत गीते यांनी शिवसेनेत प्रवेश केला असतानाच मनसेचे नेते बाळा नांदगावकर यांनी गीते यांचा चांगलाच समाचार घेतला आहे. गीते यांनी केलेल्या एका वक्तव्यामुळेच नांदगावकर यांनी फेसबुक पोस्टद्वारे गीते यांना उत्तर दिले आहे.
वसंत गीते हे भाजपमध्ये खुष नव्हते. ही बाब लक्षात घेऊन मनसेच्या नाशिकमधील नेत्यांनी गीते यांची भेट घेतली आणि त्यांना मनसेत परतण्याची विनंती केली. मात्र, ज्या तीन नेत्यांमुळे मी मनसे सोडली त्यांच्यासोबत पुन्हा काम करावं का, असा सवाल गीते यांनी मनसे पदाधिकाऱ्यांना विचारला. गीते यांचा रोख बाळा नांदगावकर, अविनाश अभ्यंकर आणि नितीन सरदेसाई यांच्याकडे होता. या खोचक सवालाची दखल नांदगावकर यांनी घेतली आहे. म्हणूनच त्यांनी थेट फेसबुक पोस्ट लिहीत गीतेंना सणसणीत उत्तर दिले आहे.
“खाऊ तिथे आम्ही जाऊ” आणि ‘जिथे भेळ तिथे खेळ’ अशा प्रकारचे टोले नांदगावकर यांनी लगावल्याने त्याची जोरदार चर्चा होत आहे.
बाळा नांदगावकर यांची फेसबुक पोस्ट
https://www.facebook.com/MeBalaNandgaonkar/posts/3584557974932858
