नवी दिल्ली : अभिनेत्री कतरीना कैफ अभिनयासोबतच आपल्या डान्ससाठी चाहत्यांना आवडते. कोरोनामुळे या काळात मोठ्या पडद्यावर तिचे दर्शन झाले नसले तरी सोशल मीडियाच्या माध्यमातून ती नेहमीच आपल्या चाहत्यांच्या संपर्कात असते. नुकताच तिने आपल्या डान्सचा एक व्हिडिओ सोशल मीडियावर टाकला आहे. कतरिनाच्या या व्हिडिओला २४ तासात तब्बल ३२ लाख लाईक्स मिळाले आहेत.
हा व्हिडीओ तिने इन्स्टाग्रामवर शेअर केला आहे. या व्हिडिओत कोणताही आवाज नाही. केवळ सगळं काही विसरून डान्स करणारी कतरीना आहे. यात फरहान अख्तरच्या एक्सएल मुव्हीज या कंपनीला टॅग करण्यात आले आहे. व्हिडिओमध्ये मागे भिंतीवर बंटी आणि बबली चित्रपटाचे पोस्टर आहे. ज्यात ऐश्वर्या रॉय कजरारे गाण्यावर डान्स करताना दिसत असून तिच्यासोबत अमिताभ आणि अभिषेक बच्चनही आहेत. हा व्हिडीओ शेअर करताना कतरिनाने म्हटले आहे की, बऱ्याच काळानंतर आम्ही नाचत आहोत. कतरीनाच्या या व्हिडिओवर मोठ्या प्रमाणात कॉमेंट्स होत आहेत.
