बादली फेकून मारल्याने महिला जखमी
नाशिक : घरासमोर कचरा टाकल्याचा जाब विचारल्याने एका महिलेने दुस-या महिलेस बादली फेकून मारल्याने ती महिला जखमी झाली असून, याप्रकरणी भद्रकाली पोलीस ठाण्यात गुन्हा दाखल करण्यात आला आहे.
मिनाज राजू शेख असे बादली फेकून मारणा-या संशयीत महिलेचे नाव आहे. याप्रकरणी सिरीन फत्तेह मोहम्मद पठाण (रा.बागवानपुरा,अमरधामरोड) या महिलेने तक्रार दाखल केली आहे. दोन्ही महिला एकमेकींचा शेजारी असून रविवारी (दि.२७) ही घटना घडली. संशयीत महिलेने रविवारी अंगण झाडून कचरा पठाण यांच्या दारात लोटला. यावेळी पठाण यांनी सदर महिलेस जाब विचारला असता संतप्त महिलेने शिवीगाळ करीत तिच्या हातातील लोखंडी बादली पठाण यांना मारून फेकली. या घटनेत पठाण यांच्या डोक्यास गंभीर दुखापत झाली असून अधिक तपास हवालदार दळवी करीत आहेत.
….
