नाशिक – शनिवारी दुपारी अवघा काही वेळ आलेल्या पावसाने दहीपुल परिसराची दाणादाण उडाली. आजच्या मध्यम स्वरूपाच्या पावसात दहीपूल परिसरातील परिस्थिती अतिशय चिंताजनक म्हणावी अशीच होती. श्री गोदावरी नदीची उपनदी सरस्वती नदी आहे. या सरस्वती नदीचा नाला करण्यात आला असल्याचा आरोप गोदाप्रेमी सेवा समितीचे अध्यक्ष देवांग जानी यांनी केला आहे. नाल्याची गटार ह्याचे दुष्परिणाम स्थानिकांना भोगावे लगत आहेत. सरस्वती स्वच्छतेचे बंद पडलेलं काम नाशिक स्मार्ट सिटी कंपनी केव्हा पुन्हा सुरू करणार, असा प्रश्नही जानी यांनी उपस्थित केला आहे.
दहीपूल परिसराची काय अवस्था केली हे या व्हिडिओतून आपणच पहा.
व्हिडिओ सौजन्य – देवांग जानी, अध्यक्ष, गोदाप्रेमी सेवा समिती
