नाशिक – देवळाली विधानसभा मतदारसंघाच्या आमदार सरोज आहिरे व नाशिक मधील दंतरोगतज्ञ डॉ.प्रवीण वाघ यांच्या विवाह सोहळा आज नाशिक येथे पार पडला. यावेळी राष्ट्रवादी काँग्रेस पार्टीचे राष्ट्रीय अध्यक्ष खासदार शरदचंद्र पवार, राज्याचे अन्न, नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री छगन भुजबळ यांनी उपस्थित राहून वधू वरांना शुभेच्छा दिल्या व भावी उज्वल वाटचालीस सदिच्छा दिल्या.
यावेळी विधानसभा उपाध्यक्ष नरहरी झिरवाळ, माजी खासदार देविदास पिंगळे, आमदार दिलीप बनकर,आमदार नितीन पवार, आमदार हिरामण खोसकर, जिल्हाध्यक्ष ऍड. रवींद्र पगार, जिल्हाध्यक्ष कोंडाजी मामा आव्हाड यांच्यासह प्रमुख पदाधिकारी उपस्थित होते.
