कोलकाता – पश्चिम बंगाल विधानसभा निवडणुकीत तृणमूल कॉंग्रेस आणि भाजपने डझनहून अधिक चित्रपट कलाकारांना उमेदवारी दिल्यामुळे निवडणूक आकर्षक आणि रंगतदार बनत चालली आहे. त्यामुळे चुरस वाढली असून नागरिकांमध्ये उत्सुकता वाढत आहे.
बंगाली चित्रपटसृष्टी मध्ये या निवडणूक संदर्भात दोन गटात विभागले गेले आहे. तृणमूलने उत्तरपारा मतदारसंघातून कंचन मल्लिक, बांकुरा येथे सयंतिका बॅनर्जी, कृष्णानगरमधून कौशिनी मुखर्जी, बॅरेकपूरमधून राज चक्रवर्ती, मेदिनीपुरात जुन मालिया आणि आसनसोल दक्षिण मधून सयोनी घोष यांना उमेदवारी दिली आहे. तर चंडिताल्ला येथील यश दासगुप्ता, खडगपूरचे हिरण चटर्जी, भवानीपूरचे रुद्रनील घोष, मयनागुरीचे कौशिक राय आणि बारानगरचे परर्न मित्र यांना उमेदवारी देण्यात आली आहे.
भाजपच्या उमेदवारांची संपूर्ण यादी अद्याप जाहीर केलेली नसल्याने आतापर्यंत कोणत्याही सीटवर कोणत्याही चित्रपटाच्या कलाकाराला मैदानात उतरलेले नाही. मात्र येत्या काही दिवसांत आणखी काही कलाकार निवडणुकीच्या रिंगणात दिसू शकतात. कोलकाता येथील ब्रिगेड परेड मैदानावर पंतप्रधान नरेंद्र मोदींच्या मेळाव्यात भाजपमध्ये सामील झालेल्या चित्रपट अभिनेते मिथुन चक्रवतींचा यात समावेश होता.
पंतप्रधान नरेंद्र मोदी यांनी बंगालमधील निवडणुकांच्या दहा दिवस आधी पुरुलिया येथे पहिला मेळावा घेतला. या दरम्यान पंतप्रधान मोदींनी पुरुलिया येथे जाहीर सभांना संबोधित केले. या मेळाव्यात बंगालच्या राजकीय गदारोळात ममता बॅनर्जी यांच्या आरोपाला पंतप्रधान मोदींनी प्रत्युत्तर दिले. मोदी म्हणाले की, बंगालमधील ममता सरकारचा पराभव निश्चित आहे, सरकारचे शेवटचे काही दिवस बाकी आहेत.
