नवी दिल्ली – केंद्र सरकारने बँकाच्या सेवा शुल्काबाबत मोठा खुलासा केला आहे. सद्य स्थितीला बँकांच्या सेवा शुल्कात कोणतेही बदल किंवा वाढ करण्यात आली नसल्याचे केंद्रीय वित्त मंत्रालयाने स्पष्ट केले आहे. बचत खाते, चालू खाते तसेच संबंधित इतर बँकांच्या सेवा शुल्कामध्ये बदल करण्यात आले नाहीत.
बँक ऑफ बडोदाने १ नोव्हेंबरपासून दरमहा विनामूल्य रोख ठेवी आणि पैसे काढण्याच्या संख्येसंदर्भात काही बदल केले. या मोफत व्यवहाराच्या जास्तीत जास्त शुल्कात कोणताही बदल न करता मोफत रोख ठेवी आणि पैसे काढण्याची संख्या दरमहा ५ वरून ३ करण्यात आली आहे. त्यानंतर बँक ऑफ बडोदाने अशी माहिती दिली आहे की कोविडशी निगडित सद्यस्थितीच्या पार्श्वभूमीवर त्यांनी हे बदल मागे घेण्याचा निर्णय घेतला आहे. तसेच, इतर कोणत्याही पीएसबीने अलीकडे असे शुल्क वाढवले नाहीत. वित्त मंत्रालयाने नमूद केले की आरबीआयच्या मार्गदर्शक सूचनांनुसार पीएसबीसह सर्व बँकांना त्यांच्या खर्चाच्या आधारावर निष्पक्ष, पारदर्शक पद्धतीने सेवेसाठी शुल्क आकारण्यास परवानगी देण्यात आली आहे. परंतु इतर सरकारी बँकांनीही कोविड साथीच्या आजाराच्या काळात बँक शुल्क वाढविण्याचा कोणताही प्रस्ताव नसल्याचे स्पष्ट केले आहे.
