नवी दिल्ली – रिझर्व्ह बँक ऑफ इंडियाने अर्थात आरबीआयच्या नियामक मार्गदर्शक तत्त्वांचे उल्लंघन केल्याबद्दल पीएनबी, सोडेक्सो आणि फोनपे या सह एकूण सहा कंपन्यांना ५.७८ कोटी रुपयांचा दंड ठोठावण्यात आला आहे. पेमेंट अँड सेटलमेंट सिस्टम अ‍ॅक्ट २००७ च्या कलम ३० अन्वये, आरबीआयने नियामक मार्गदर्शक सूचनांचे पालन न केल्यामुळे या युनिट्सवर दंड आकारला आहे.
पंजाब नॅशनल बँक वगळता उर्वरित पाच नॉन-बँक प्रीपेड पेमेंट प्रॉडक्ट (पीपीआय) देणारे युनिट आहेत. पीपीआयचा वापर मित्र, नातेवाईक इत्यादींकडे वस्तू आणि सेवांच्या खरेदीसाठी केला जातो. आरबीआयने सोडेक्सो एसव्हीसी इंडिया प्रायव्हेट लिमिटेड, मुथूट वाहन व मालमत्ता वित्त लिमिटेड, क्विक सिल्वर सोल्यूशन्स प्रायव्हेट लिमिटेड, फोनपे प्रायव्हेट लिमिटेड, दिल्ली मेट्रो रेल कॉर्पोरेशन लिमिटेड आणि पंजाब नॅशनल बँक यांना दंड ठोठावला आहे.
सोडेक्सोला २ कोटींचा दंड
सोडेक्सोला जास्तीत जास्त २ कोटींचा दंड, तर पीएनबी आणि क्विक सिल्वर सोल्युशन्सला प्रत्येकी १ कोटीचा दंड ठोठावण्यात आला आहे. त्याचबरोबर फोनपेवर १.३९ कोटी आणि मुथूट वाहन व मालमत्ता फायनान्सवर ३४.५५ कोटी तर दिल्ली मेट्रो रेल कॉर्पोरेशनला पाच लाख रुपये दंड ठोठावण्यात आला आहे.
