नवी दिल्ली – नॅशनल हायवेज अथॉरिटी ऑफ इंडियाने (एनएचएआय) इलेक्ट्रॉनिक टोल प्लाझाची व्यवस्था सुरळीत आणि सुनिश्चित करण्याच्या उद्देशाने वाहनचालकांच्या फास्टॅग खात्यामध्ये किमान रक्कम राखण्याची सक्ती दूर करण्याचा निर्णय घेतला आहे. येत्या १५ फेब्रुवारीपासून फास्टॅग देशभरात सर्व वाहनांसाठी सक्तीचे होणार आहे.
वाहनचालक किंवा वाहन मालकाला यापुढे आपल्या फास्टॅग खात्यामध्ये विशिष्ठ रक्कम ठेवण्याची आवश्यकता नाही. यासंबंधी एनएचएआयने एका निवेदनात म्हटले आहे की, वाहतुकीची अखंडित सेवा सुनिश्चित करण्यासाठी, टोल प्लाझावर वाया जाणारा वेळ कमी करणे आणि फास्टॅगची उपलब्धता वाढवण्यासाठी फास्टॅग खात्यात किंवा पाकीटात किमान रक्कम ठेवण्याची गरज अनिवार्यपणे दूर केली आहे. तसेच देय देण्याचा निर्णय घेतला आहे.
काही बँका एकतर्फी सुरक्षेच्या ठेवीच्या रकमेव्यतिरिक्त फास्टॅग खाते किंवा वॉलेटची काही रक्कम राखून ठेवत आहेत. यामुळे अनेक फास्टॅग वापरकर्त्यांना त्यांच्या फास्टॅग खात्यात पुरेशी रक्कम असूनही टोल प्लाझावर जाण्याची परवानगी नव्हती. यामुळे टोल प्लाझावर अनावश्यक उशीर होत आहे. १५ फेब्रुवारीपासून फास्टॅग बाबत हा निर्णय असेल. भारतातील सर्व वाहनांवर फास्टॅग अनिवार्य केले गेले आहे. त्याच वेळी, लोकांना दिलासा देण्यासाठी त्याची तारीख देखील अनेक वेळा वाढविण्यात आली. आता १५ फेब्रुवारीपर्यंत सर्व वाहनांवर हे स्टिकर असणे बंधनकारक आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
