नवी दिल्ली – बॉलिवूड अभिनेत्री अनुष्का शर्मा लवकरच आई होणार आहे. या बेबी बम्पसह तिने नुकतेच एका मॅगझीनसाठी फोटो शूट केले. व्हॉग या मॅगझिनच्या कव्हर पेजवर झळकलेला अनुष्काचा हा फोटो फारच सुंदर आहे. लॉकडाऊनच्या काळातील आपला हा प्रवासही तिने सांगितला आहे.
अनुष्काने हे कव्हर पेज आपल्या इन्स्टाग्रामवर शेअर केले असून, हे मी स्वतःसाठी शेअर करत असल्याचे म्हटले आहे. हे शूट करताना मजा आल्याचेही ती सांगते. अनुष्का म्हणते, लॉकडाऊनच्या या काळात गरोदर असणं हा माझ्यासाठी फारच सुखद अनुभव होता. सगळंच बंद असल्याने अनुष्काचा पती आणि भारतीय क्रिकेटर विराट कोहली घरीच होता. त्यामुळे मला विराटचा भरपूर सहवास मिळाला. शिवाय घरातच असल्याने, मी प्रेग्नंट असल्याचे कोणाला कळलेही नाही. डॉक्टरकडे जाण्यापूरतेच आम्ही घराबाहेर पडत होतो. तेंव्हा रस्त्यावर कोणीही नसे. गर्भावस्थेच्या सुरुवातीच्या दिवसात मी माझ्या ‘बुलबुल’ या चित्रपटाचे प्रमोशन करत होते. तेंव्हाच मला चक्कर आली, आणि ही गुड न्यूज मिळाली. या फोटोशूटसाठी अनुष्काने क्रीम कलरचा कोट घातला आहे.
