प्राचार्य डॉ. राजेंद्र भांबर यांना उत्कृष्ट प्राचार्य अवार्ड 

 २०२१ हेअल्थ अँड वेलनेस कॉनक्लेव्ह हा  केंद्रीय आरोग्य मंत्रालयातील इंडियन फार्माकोपिया,युनायटेड स्टेट्स फार्माकोपिया, इंडियन ड्रग मॅनुफॅक्चरर असोशिएशन  आणि नॅशनल चेम्बर ऑफ फार्मासुटिकल्  मॅनुफॅक्चरर, श्रीलंका यांच्या संयुक्त विद्यमाने हा पुरस्कार देण्यात आला.  त्यामध्ये महात्मा गांधी विद्यामंदिर संचलित औषधनिर्माणशास्त्र महाविद्यालय, पंचवटीचे  प्राचार्य डॉ. राजेंद्र भांबर यांना उत्कृष्ट प्राचार्य अवार्ड तर महात्मा गांधी विद्यामंदिर संचलित औषधनिर्माणशास्त्र महाविद्यालयाला उत्कृष्ट महाविद्यालय अवार्ड देऊन डॉ. राजेंद्र भांबर यांचा दिल्ली चे डेप्युटी ड्रग कंट्रोलर  श्री. अतुल नासा, दिल्ली येथील केंद्रीय आरोग्य मंत्रालयातील इंडियन फार्माकोपिया चे संचालक श्री. राजीव रघुवंशी यांच्या  हस्ते सत्कार करण्यात आला.

यावेळी उत्तराखंड चे कॅबिनेट मंत्री मा. गणेश गांधी, आंतरराष्ट्रीय ख्यातीच्या अध्यात्मिक योगगुरू  साध्वी भगवती व  आयडीएमए चे सचिव श्री. दारा पटेल, लंडन येथील युनायटेड स्टेट्स फार्माकोपिया चे डॉ. मृणाल जयंत हे उपस्थित होते. या कॉनक्लेव्ह मध्ये संपूर्ण भारतातून एम्स, आयआयटी रुरकी, फार्मा इंदूस्ट्रीज आणि विद्यापीठ या सर्वच  क्षेत्रातील प्रतिनिधी उपस्थित होते. हा कार्यक्रम डेहराडून येथे पार पडला.

याप्रसंगी संस्थेचे सरचिटणीस डॉ. प्रशांत हिरे, संस्थेचे  समन्वयक डॉ. अपूर्व हिरे, संस्थेचे सहसचिव डॉ. व्ही. एस. मोरे,  महाविद्यालयाच्या सीडीसी कमिटीचे अध्यक्ष श्री. राजेश शिंदे यांनी  महाविद्यालयाचे प्राचार्य  डॉ.. राजेंद्र भांबर यांचे अभिनंदन केले.

तसेच महाविद्यालयाची अशीच उत्तरोत्तर प्रगती व्हावी अश्या शब्दात कौतुक करून महाविद्यालयाचे प्राचार्य, उपप्राचार्य डॉ. सुनील महाजन, डॉ. अंबादास रोटे, महाविद्यालयातील सर्व शिक्षक व शिक्षकेतर कर्मचारी  व विद्यार्थ्यांचे अभिनंदन केले.