नवी दिल्ली – फेब्रुवारीच्या पहिल्या आठवड्यापासून पोलिस आणि सफाई कर्मचाऱ्यांसह आरोग्याशी संबंधीत क्षेत्रातील कामगारांचे लसीकरण सुरू होणार आहे. तसे आदेश केंद्रीय आरोग्य मंत्रालयाने सर्व राज्ये आणि केंद्रशासित प्रदेशांना दिले आहेत.
केंद्रीय आरोग्य मंत्रालयाचे ज्येष्ठ सचिव मनोहर अग्निनी यांनी म्हटले आहे की, आरोग्य कामगारांची लसीकरण मोहिम १६ जानेवारीपासून सुरू झाली आहे. आता संबंधित मंत्रालयांच्या सहकार्याने राज्य आणि केंद्रशासित प्रदेशांकडून आघाडीच्या कामगारांचे डेटा अद्ययावत केले जात आहेत. आजपर्यंत ६१ लाखाहून अधिक कामगारांचा डेटा को-विन पोर्टलवर अपलोड करण्यात आला आहे. या फ्रंटलाइन कामगारांमध्ये पोलिस, सफाई कामगार, महानगरपालिकेचे कर्मचारी आणि नागरी संस्था समाविष्ट आहेत, जे कोरोना रुग्णांच्या उपचारांच्या संदर्भातील अन्य कार्यामध्ये काही प्रमाणात गुंतलेले आहेत.
अग्निनी पुढे म्हणाले की, राज्ये आणि केंद्रशासित प्रदेशांचा सल्ला घेतल्यानंतर त्यांना आरोग्य कर्मचारी तसेच फ्रंटलाइन कामगारांना फेब्रुवारीच्या पहिल्या आठवड्यापासून लसी देण्याचा सल्ला देण्यात आला आहे. जानेवारीत सुरू झालेल्या लसीकरण मोहिमेचे उद्दीष्ट म्हणजे प्रथम लष्करी जवान, आरोग्य कर्मचारी आणि अन्य कामगारांना लस देण्यात येणार आहे. आतापर्यंत सुमारे ३० लाख आरोग्य कर्मचार्‍यांना लसी देण्यात आली आहे. कोविशिल्ट्स आणि कोव्हिसिन ही लस राज्ये आणि केंद्रशासित प्रदेशांना उपलब्ध करुन देण्यात आली असून दोन्ही लसींचा योग्य प्रमाणात वापर करावा, असे त्यांनी म्हटले आहे.
