पेशवेकालिन महत्त्वाच्या कागदपत्रांची सिन्नरमध्ये अत्यंत दुरवस्था; सोशल मिडियात तीव्र नाराजी

नाशिक – मराठा साम्राज्याच्या इतिहासात अजरामर असलेले थोरले बाजीराव पेशवे यांच्या काळातील महत्त्वाची कागदपत्रे सिन्नरमध्ये अत्यंत वाईट अवस्थेत असल्याची बाब समोर आली आहे. सिन्नर जवळील डुबेरे येथे पेशवे वाडा असून या वाड्यालाही मोठी अवकळा आली आहे. तसेच, या वाड्याच्या आत पेशवेकालिन कागदपत्रांची अत्यंत वाईट अवस्था दिसून येत आहे. यासंदर्भातील काही फोटो सोशल मिडियात व्हायरल झाले असून या परिस्थितीकडे पुरातत्व विभाग, केंद्र सरकार, राज्य सरकार, पर्यटन मंत्रालय यांचे लक्ष वेधण्यात आले आहे. ऐतिहासिक कागदपत्रांची जपणूकही आपण करु शकत नसल्याची बाब यानिमित्ताने समोर येत आहे. तसेच, पुरातत्व विभाग किती निद्रिस्त आहे, असा सूरही युवकांकडून आळवला जात आहे.

नाशिक मधील सिन्नर गावात, जिथे बाजीराव पेशवे यांचा जन्म झाला त्या वाड्याची दुरवस्था आणि त्याच्या आत असलेल्या पुस्तकांची दुरवस्था पाहून मनात स्मशान शांतता पसरली.

आपणच आपला इतिहास स्वतःच्या दुर्लक्षतेमुळे गमावत आहोत ? ! @ASIGoI @tourismgoi @prahladspatel Please do something ! pic.twitter.com/Ffj6VS3Nni

— Malhar Pandey (MODI KA PARIVAR) (@malhar_pandey) March 29, 2021