पेठ – तालुक्यातील कोटंबी येथील शरद पांडूरंग भुसारे यांच्या विहिरीत बिबट्या पडला असल्याची बाब निदर्शनास आली आहे. सकाळट्या सुमारास बिबट्या विहीरीत दिसल्याने भुसारे यांनी तातडीने वन विभागाला कळविले. त्यानंतर वन कर्मचाऱ्यांनी घटनास्थळी भेट देऊन पाहणी केली. बिबट्याची सुटका करण्यासाठी रेस्क्यू ऑपरेशनची तयारी सुरू करण्यात आली आहे. नागरिकांनी गर्दी करू नये असे आवाहन वन विभागाकडून करण्यात आले आहे.
